मिळालेल्या माहितीनुसार, चिंभळा गावापासून काही अतंरावर असलेल्या जाधव यांच्या वस्तीवर रविवारी पहाटे दरोडेखोर आले. घरात महादेव जाधव व विमल जाधव हे ज्येष्ठ दामप्त्य होते. सुरवातीला दरोडेखोरांनी घराची कडी वाजविली. प्रतिसाद मिळत नसल्याने दरवाजा उघडण्यासाठी धमकावले. शेवटी दरवाजा उघडला गेला. दरोडेखोरांनी आत येताच विमल जाधव यांना मारहाण करण्यास सुरुवात केली. त्यांच्या अंगावरील दागिने हिसकावू लागले. विमल यांनी कानातील दागिने काढून देण्यास विरोध केला. त्यामुळे दरोडेखोरांनी कानातील दागिने पकडून जोरात हिसकावले. त्यामुळे जाधव यांच्या कानाच्या दोन्ही पाळ्या तुटल्या. दरोडेखोरांनी कानातील आणि गळ्यातील दागिनेही हिसकावून नेले. सकाळी घटनेची माहिती मिळाल्यानंतर पोलिसांनी घटनास्थळी धाव घेतली. श्वान पथकालाही पाचारण करण्यात आले. जखमी जाधव यांच्यावर उपचार करण्यात येत आहेत.
अल्पवयीन मुलगी शेतावर जात होती, इतक्यात चौघे जण तिथे आले अन्…
बोदवड तहसीलदारांसह मंडळाधिकारी, तलाठ्यास लाच घेतांना अटक
थरकाप! जुगारात हरल्यानंतर पत्नीला नराधमांच्या हवाली केले; गँगरेपनंतर अॅसिड फेकले