coronavirus in maharashtra: करोनामुक्तांचे प्रमाण वाढले; अॅक्टिव्ह रुग्णांच्या संख्येतही घट – maharashtra reports 3,018 new covid19 cases, 5,572 discharges, and 68 deaths today, as per state health department

मुंबईः आज ६८ करोना रुग्णांचा उपचारांदरम्यान मृत्यू झाला आहे. तर, आज ५,५७२ रुग्ण बरे होऊन घरी परतले असून राज्यात आजपर्यंत एकूण १८,२०,०२१ करोना बाधित रुग्ण बरे झाले आहेत. गेल्या चार दिवसांच्या तुलनेत कालपासून करोना रुग्ण बरे होण्याऱ्यांचे प्रमाण लक्षणीय वाढले आहे.

ब्रिटनसह युरोपियम देशांमध्ये करोना संसर्गानं नव्याने डोके वर काढले असतानाच महाराष्ट्रात आज सकारात्मक चित्र दिसत आहे. राज्यात आज करोनामुक्तांची संख्या वाढली असून करोना बाधितांचा ग्राफ खाली येताना दिसत आहे. आरोग्य विभागानं आज जाहीर केलेल्या आकडीवारीनुसार, आज राज्यात ३,०१८ नवीन रुग्णांचे निदान झाले आहे तर, ५ हजार ५७२ रुग्णांनी करोनावर मात केली आहे. यामुळे राज्यातील रुग्ण बरे होण्याचे प्रमाण (Recovery Rate) ९४.५४ % एवढे झाले आहे.

चिंता वाढली! ब्रिटनहून मुंबईत आलेल्या १२ प्रवाशी करोना पॉझिटिव्ह

गेल्या २४ तासांत ६८ करोना बाधित रुग्णांनी आपला जीव गमावला आहे. राज्यात आजतागायत करोनामुळं दगावलेल्या रुग्णांची एकूण संख्या ४९ हजार ३७३ इतकी झाली आहे. सध्या राज्यातील मृत्यूदर २.५६% एवढा आहे.

मुंबईत येताच कंगनाचा ‘जय महाराष्ट्र’! शिवसेनेला लगावला ‘हा’ टोला

राज्यातील अॅक्टिव्ह रुग्णांचा आकडाही झपाट्यानं खाली येताना दिसत आहे. सध्या राज्यात फक्त ५४ हजार ५३७ अॅक्टिव्ह रुग्ण असून त्यांच्यावर विविध रग्णालयांत उपचार सुरु आहेत. आजपर्यंत तपासण्यात आलेल्या १,२६,००,७५४ प्रयोगशाळा नमुन्यांपैकी १९,२५,०६६ (१५.२८ टक्के ) नमुने पॉझिटिव्ह आले आहेत. सध्या राज्यात २,८९,५६० व्यक्ती होमक्वारंटाईनमध्ये आहेत तर ३,२०४ व्यक्ती संस्थात्मक क्वारंटाईनमध्ये आहेत.

ठाकरे सरकारमधील ‘हा’ मंत्री तातडीने राऊतांच्या भेटीला

दरम्यान, इंग्लंडहून आलेल्या प्रवाशांपैकी महाराष्ट्रातील एकूण ४३ जणांना संसर्ग झाला असून त्यात पुण्यातील आणखी तिघांची भर पडली आहे. म्हणजेच पुण्यातील सहा जणांचा त्यात समावेश असल्याचे स्पष्ट झाले आहे. पुण्याच्या राष्ट्रीय विषाणू संस्थेला (एनआय़व्ही) आतापर्यंत ३२ पॉझिटिव्ह रुग्णांचे नमुने जनुकीय रचनेचा शोध घेण्यासाठी पाठविण्यात आले आहेत. त्यांच्या अहवालाची प्रतीक्षा लागून राहिली आहे.