Coronavirus in maharshtra: Coronavirus: दिवाळीनंतर चित्र बदलू लागले; आज १५५ करोनामृत्यू, ‘हा’ आकडाही चिंतेचा – maharashtra reports 5640 new covid19 cases 6945 recoveries and 155 deaths


मुंबई: राज्यात आज १५५ करोना बाधित रुग्णांच्या मृत्यूंची नोंद झाली असून दिवसभरात ५ हजार ६४० नवीन रुग्णांचे निदान झाले आहे तर ६ हजार ९४५ रुग्ण बरे होऊन घरी परतले आहेत. राज्यातील करोना रिकव्हरी रेट सध्या ९२.८९ टक्के इतका आहे. ( Coronavirus In Maharshtra Latest News Updates )

पर्यटनस्थळे कधी खुली होणार?; महानोरांनी मुख्यमंत्र्यांना केली ‘ही’ विनंती

राज्यात दिवाळीनंतर करोनाची आकडेवारी पुन्हा एकदा बदलू लागली आहे. करोनामृत्यू आणि नवीन बाधितांची संख्या गेले दोन दिवस सतत वाढताना दिसत आहे. त्यामुळे काहीशी चिंता वाढली आहे. राज्यात आज १५५ करोना बाधित रुग्णांच्या मृत्यूंची नोंद झाली असून मृतांचा एकूण आकडा ४६ हजार ५११ इतका झाला आहे. सध्या राज्यातील मृत्यूदर २.६३ % एवढा आहे. आज दिवसभरात राज्यात ५ हजार ६४० नवीन रुग्णांचे निदान झाले आहे तर ६ हजार ९४५ रुग्ण बरे होऊन घरी परतले आहेत. आतापर्यंत एकूण १६ लाख ४२ हजार ९१६ करोना बाधितांनी आजारावर मात करण्यात यश मिळवले असून रुग्ण बरे होण्याचे प्रमाण (Recovery Rate) ९२.८९ टक्के एवढे झाले आहे. राज्यातील करोना चाचण्यांनी एक कोटीचा टप्पा पार केला आहे. आतापर्यंत एकूण १ कोटी ३५ लाख ६६५ करोना चाचण्या पूर्ण करण्यात आल्या असून त्यातील १७ लाख ६८ हजार ६९५ (१७.६२ टक्के ) चाचण्यांचे अहवाल पॉझिटिव्ह आले आहेत. सध्या राज्यात ५ लाख ५८ हजार ९० व्यक्ती होमक्वारंटाइनमध्ये आहेत तर ४ हजार ८८३ व्यक्ती संस्थात्मक क्वारंटाइनमध्ये आहेत.

वाचा: मुंबई-दिल्ली रेल्वे, विमानसेवा थांबवणार!; राज्य सरकार उचलणार ‘हे’ मोठे पाऊल

मुंबईत ११ हजार ८२२ अॅक्टिव्ह रुग्ण

राज्यातील अॅक्टीव्ह रुग्णांचा आकडा कमी होत असून तो मोठा दिलासा ठरला आहे. सध्या ७८ हजार २७२ रुग्णांवर उपचार सुरू असून त्यात सर्वाधिक १६ हजार ५३१ रुग्ण पुणे जिल्ह्यात आहेत तर ठाणे जिल्ह्यात हा आकडा १४ हजार २६५ इतका असून मुंबई पालिका हद्दीत सध्या ११ हजार ८२२ रुग्णांवर उपचार सुरू आहेत.

दरम्यान, दिवाळीनंतर राज्यात नवीन बाधितांचा आकडा वाढताना दिसत आहे. त्यामुळे आरोग्य यंत्रणा तसेच प्रशासनाकडून आवश्यक असलेली संपूर्ण खबरदारी घेण्यात येत आहे. गर्दी टाळतानाच, मास्क वापरण्याबाबतही वारंवार आवाहन करण्यात येत आहे. शाळांबाबतही सावध पवित्रा घेण्यात आला आहे. मुंबई पालिका हद्दीत तर ३१ डिसेंबरपर्यंत शाळा सुरू न करण्याचा निर्णय घेण्यात आला आहे. दिल्लीतील करोनाची लाट लक्षात घेऊन दिल्ली-मुंबई विमान व रेल्वे सेवा बंद करण्याचाही गंभीरपणे विचार सध्या सुरू आहे.

वाचा: करोना: दिल्लीचा व्हिडिओ शेअर करून बीएमसी आयुक्तांचं मुंबईकरांना ‘हे’ आवाहन



Source link

Leave a Reply