Marathi News

Pankaja Munde Pay Tributes At Smruti Sthal – Pankaja Munde: बाळासाहेबांच्या स्मृतीस्थळी पंकजा नतमस्तक; शिवसेना-भाजप युतीबाबत केले मोठे विधान


मुंबई: शिवसेनाप्रमुख दिवंगत बाळासाहेब ठाकरे यांच्या स्मृतींना आज गोपीनाथ मुंडे यांची कन्या आणि भाजपच्या राष्ट्रीय सचिव पंकजा मुंडे यांनी शिवाजी पार्क येथील स्मृतीस्थळावर जाऊन अभिवादन केले. यावेळी माध्यमांशी बोलताना शिवसेना-भाजप युती भविष्यात शक्य आहे का, या प्रश्नावर पंकजा यांनी आपले परखड मत मांडले. ( Pankaja Munde pay tributes at Balasaheb Thackeray Smruti Sthal )

वाचा: बाळासाहेबांचा स्मृतिदिन: विखे-पाटलांच्या आत्मचरित्रातील ‘तो’ किस्सा चर्चेत

शिवसेना-भाजप हे दोन्ही पक्ष हिंदुत्व या समान विचारधारेवर एकत्र आले होते. त्यामुळे नेहमीच ही नैसर्गिक युती असल्याचे सांगितले जायचे. ही युती वर्षभरापूर्वी संपुष्टात आल्यानंतर राज्यात भाजप विरोधात शिवसेना, काँग्रेस आणि राष्ट्रवादी अशी तीन पक्षांची अभूतपूर्व अशी महाविकास आघाडी उदयाला आली आहे. आज बाळासाहेब ठाकरे यांच्या स्मृतीदिनानिमित्त राज्यातील बदललेली राजकीय परिस्थिती चर्चेचा विषय ठरली. शिवाजी पार्क येथील बाळासाहेबांच्या स्मृतीस्थळी विविध पक्षांतील मान्यवर नेते अभिवादन करण्यासाठी पोहचले आणि मग बाळासाहेबांसोबतच्या जुन्या आठवणींनाही उजाळा मिळाला. माध्यमांसमोर बोलताना सर्वच नेत्यांनी बाळासाहेब आमचे प्रेरणास्थान होते, असे म्हणत त्यांच्या नेतृत्वाची प्रशंसा केली.

वाचा: बाळासाहेबांनी मांडलेल्या ‘या’ मुद्द्यांवर आमचं राजकारण केंद्रीत; राऊतांचा भाजपवर निशाणा

पंकजा मुंडे यांनीही बाळासाहेबांच्या स्मृतींना वंदन केलं. त्यानंतर माध्यमांशी बोलताना, बाळासाहेब आमचे प्रेरणास्त्रोत आहेत आणि त्यांच्याबद्दल मनात आदर असल्यानेच मी त्यांना अभिवादन करण्यासाठी येथे आले आहे, असे पंकजा यांनी सांगितले. बाळासाहेब कोणत्या एका पक्षाचे नाहीत, ते सर्वांचे आहेत. त्यांचे विचार सर्वांसाठी प्रेरणादायी आहेत. मुंडे कुटुंब आणि बाळासाहेबांचं कुटुंब यांत एक अतुट नातं राहिलं आहे आणि ते आजही आम्ही जपलं आहे, असे पंकजा म्हणाल्या.

वाचा: ‘तुमचा मुलगा आजही आम्हाला संपवायला निघालाय, पण…’

शिवसेना आणि भाजप हे पक्ष भविष्यात एकत्र येऊ शकतात का, असे विचारले असता पंकजा यांनी यावेळी परखड मत व्यक्त केले. शिवसेना-भाजप पुन्हा एकत्र येणार अशी चर्चा करण्यात आता काहीही अर्थ उरलेला नाही. दोन्ही पक्ष आधी २०१४ मध्ये वेगळे झाले होते. नंतर परत युती झाली पण गेल्यावर्षी पुन्हा युती तुटली आहे. राज्यात नवीन आघाडीचं सरकार स्थापन होऊन आता एक वर्षही होत आलं आहे. त्यामुळे शिवसेना-भाजप एकत्र येणार ही चर्चाच आता निरर्थक आहे, असे पंकजा म्हणाल्या.

वाचा: वीजबिलावर शब्द फिरवला; माजी मंत्र्याने ठाकरे सरकारला दिली ‘ही’ उपमा



Source link

You may also like

Leave a Reply

Your email address will not be published. Required fields are marked *

%d bloggers like this: