Marathi News

pathardi leopard attack: Leopard Attack धक्कादायक: चिमुकला आईसोबत बसला होता; बिबट्याने झडप घातली अन्… – leopard attacks four year old boy in pathardi


नगर: आईजवळ बसलेल्या चार वर्षाच्या मुलाला बिबट्याने उचलून नेल्याची धक्कादायक घटना पाथर्डी तालुक्यातील शिरापूर येथे आज रात्री आठच्या सुमारास घडली आहे. सार्थक संजय बुधवंत असे या मुलाचे नाव आहे. पोलिसांसह वन विभागाचे पथक, आजूबाजूच्या पाच गावांतील ग्रामस्थ या मुलाचा शोध घेत आहेत. मात्र, अद्यापपर्यंत हा मुलगा सापडला नसल्याची माहिती देण्यात आली. ( Leopard Attacks Four Year Old Boy In Pathardi )

वाचा: बिबट्याने उडवली ‘या’ शहराची झोप; नागरिकांना रात्रीची ‘संचारबंदी’!

पाथर्डी तालुक्यात मागील आठवड्यात मढी येथून एक व त्यानंतर केळवंडी येथून एक अशा दोन बालकांना बिबट्याने उचलून नेत ठार केल्याच्या घटना घडल्या आहेत. त्यामुळे पाथर्डी शहरासह तालुक्यातील मढी, वृद्धेश्वर, शिरापूर, केळवंडी, माणिकदौंडी आदी परिसरात बिबट्याची प्रचंड दहशत पसरली असून नागरिक भयभीत झाले आहेत.

वाचा: आठ वर्षांचा चिमुरडा आजोबांच्या कुशीत झोपला होता, बिबट्या आला अन्

मढी, केळवंडी नंतर आता शिरापूर येथील डोंगराच्या पायथ्याला राहणाऱ्या संजय बुधवंत यांचा चार वर्षाचा मुलगा सार्थक याला आज बिबट्याने उचलून नेल्याची घटना घडली आहे. सार्थकची आई त्याला घेवून पडवीत बसली होती. त्याच दरम्यान बिबट्याने झडप घालून सार्थकला उचलून नेले. या घटनेची माहिती कळताच परिसरातील नागरिकांनी घटनास्थळी धाव घेत शोधाशोध सुरू केली आहे. वनविभागाचे कर्मचारीही घटनास्थळी दाखल झाले असून शोध सुरू आहे. मात्र अद्यापर्यंत मुलाचा शोध लागला नव्हता.

वाचा: कळवाडी परिसरात पुन्हा बिबट्या; दोन दिवसांत २० जनावरांचा फडशा

दरम्यान, पाथर्डी परिसरात बिबट्याला पकडण्यासाठी वनविभागाने विविध भागात तब्बल अकरा ठिकाणी पिंजरे लावले आहेत. मात्र, अद्याप बिबट्याला पकडण्यात यश आले नसल्यामुळे वनविभागाच्या कामकाजाबाबत तीव्र संताप नागरिकांमधून व्यक्त होऊ लागला आहे. पाथर्डी तालुक्यात बिबट्याचे विविध व्हिडिओ देखील व्हायरल होऊ लागले आहेत. त्यामुळे नागरिकांमध्ये भीतीचे वातावरण असून रात्रीच्या वेळी घराबाहेर निघण्यास देखील नागरिक घाबरू लागले आहेत.

वाचा: जैवविविधता धोक्यात आणून विकास करणे खेदजनक – सयाजी शिंदे



Source link

You may also like

%d bloggers like this: