नगर: ‘शिवसेनाप्रमुख आदरणीय बाळासाहेब ठाकरे यांनी बाबरी मशीद पडल्यानंतर ही माझ्या शिवसैनिकांनी पाडली, असे समर्थन केले होते. मात्र आज शिवसेनेचा विचार केला तर त्यांनी सर्व मुद्दे सोडून दिले आहेत. हिंदुत्व सोडले आहे. सत्ता टिकवण्यासाठी आपली सर्व तत्वे गुंडाळली आहेत,’ असा घणाघात माजी मंत्री राधाकृष्ण विखे पाटील यांनी केला. ‘महाराष्ट्रातील जनता हे सर्व उघड्या डोळ्यांनी पाहत आहे. राज्यातील जनता याचा जाब विचारल्याशिवाय राहणार नाही,’ असेही ते म्हणाले. नगरचे जिल्हाधिकारी डॉ. राजेंद्र भोसले यांची भेट घेण्यासाठी विखे पाटील जिल्हाधिकारी कार्यालयात आले होते. यावेळी त्यांनी मंदिरे उघडण्याच्या मुद्द्यावरून राज्य सरकारवर तोफ डागली. ( Radhakrishna Vikhe Patil ‘s reaction on CM Uddhav Thackeray ‘s statement )

वाचा: राज्यात ३० नोव्हेंबरपर्यंत लॉकडाऊन वाढवला; ‘या’ सवलती राहणार कायम

मंदिरे उघडण्यासाठी सरकार का घाबरत आहे? त्यांना परमेश्वराची एवढी का भीती वाटत आहे? असे प्रश्न उपस्थित करीत विखे पाटील म्हणाले, ‘प्रत्येक धर्माला आपल्या देवाला जायचे स्वातंत्र्य आहे. राज्यात मॉल, जीम, मदिरालय उघडता, पण मंदिर उघडण्यास सरकार परवानगी देत नाही. सरकार एवढे का घाबरत आहे? त्यांना परमेश्वराचा कोप होईल अशी भीती वाटते का?’ असेही विखे म्हणाले. ‘मंदिरे उघडण्याचा केवळ भावनिक मुद्दा नाही. तर मंदिर बंद असल्याने अनेक लोकांचा रोजगार गेला आहे. त्यामुळे सर्वार्थाने विचार केला पाहिजे. परंतु, सरकारचा मंदिर उघडण्याबाबत हेकेखोरपणा चालला आहे. ही भूमिका योग्य नाही, याची मोठी किंमत या सरकारला मोजावी लागेल,’ असेही त्यांनी स्पष्ट केले.

वाचा: जाणत्या राजाला हे शोभत नाही!; पवारांचा ‘तो’ अभिप्राय पाटलांना खुपला

दसरा मेळाव्यात मुख्यमंत्री उद्धव ठाकरे यांनी हिंदुत्वाच्या मुद्द्यावरून भाजपला लक्ष्य केले होते. त्याबाबत विखे यांना विचारले असता ते म्हणाले, ‘शिवसेनेचा विचार केला तर त्यांनी सत्ता टिकवण्यासाठी सर्व मुद्दे सोडून दिले आहेत, हिंदुत्व सोडले आहे. शिवसेनाप्रमुख आदरणीय बाळासाहेब ठाकरे यांनी बाबरी मशीद पडल्यानंतर ही माझ्या शिवसैनिकांनी पाडली, असे समर्थन केले होते. मात्र आज शिवसेनेने सगळ्याच भूमिकेत बदल केला आहे. सत्ता टिकवण्यासाठी सर्व तत्त्वे गुंडाळली आहेत. हे महाराष्ट्रातील जनता उघड्या डोळ्यांनी पाहते आहे. राज्यातील जनता याचा जाब विचारणार आहे.’

ही तर वादळापूर्वीची शांतता

विधानसभेवर स्वबळावर भगवा फडकविण्याचे वक्तव्य मुख्यमंत्री व शिवसेना पक्षप्रमुख उद्धव ठाकरे यांनी केले आहे. यावर बोलताना माजी मंत्री राधाकृष्ण विखे पाटील म्हणाले ‘शिवसेनेचा स्वबळाचा नारा ही वादळापूर्वीची शांतता दिसतेय. महाविकास आघाडीत का बेबनाव झाला? तो का वाढत आहे? स्वबळावर लढण्याचा नारा का देत आहेत? राज्यातील जनतेसाठी नव्हे तर मूठभर लोकांना सत्ता टिकवण्यासाठी महाविकास आघाडीचे प्रयत्न सुरू आहेत. स्वबळाचा नारा द्या. हिंदुत्व सोडा, काही फरक पडत नाही, अशी भूमिका या राज्यातील सरकार मधील तिन्ही पक्षांनी घेतली आहे.’

वाचा: एसटीची मोठी घोषणा; प्रवाशांना दिलं दिवाळीचं ‘हे’ खास ‘गिफ्ट’!



Source link