Marathi News

Vitthal Darshan Guidelines: Vitthal Darshan: पंढरपुरात जाण्याआधी ‘हे’ वाचा; विठ्ठल दर्शनासाठी नवी नियमावली जाहीर – 2000 devotees to be allowed to pray at pandharpur vitthal rukmini temple


पंढरपूर : पाडव्याच्या मुहूर्तावर श्री विठ्ठल रक्मिणी मंदिर भाविकांसाठी खुले करण्यात आले असून भाविकांची वाढती गर्दी लक्षात घेता मंदिर समितीच्या वतीने बुधवारपासून दररोज दोन हजार भाविकांना दर्शनाला सोडण्याचा निर्णय घेण्यात आला आहे. ( Pandharpur Vitthal Darshan Guidelines Latest Updates )

वाचाः दर्शन सुरक्षित अंतर ठेवूनच!; धार्मिक स्थळांसाठी ‘या’ आहेत गाइडलाइन्स

राज्य शासनाने करोना संसर्गाच्या पार्श्वभूमीवर घालून दिलेले नियम व अटींची अंमलबजावणी करतच सर्व ठिकाणी दर्शन व्यवस्था करण्यात आली आहे. श्री विठ्ठलाच्या दर्शनासाठी दररोज एक हजार भाविकांना सोडण्यात येत होते, आता दर्शनाकरिता दोन हजार भाविकांना सोडण्याचा निर्णय घेण्यात आला आहे. करोनाच्या पार्श्वभूमीवर गेल्या आठ महिन्यांपासून मंदिरे बंद होती. मात्र नित्योपचार दैनंदिन सुरू राहिले. दिवाळीत पाडव्याच्या मुहूर्तावर मंदिरे भक्तांना दर्शनाकरिता खुली करण्यात आली आहेत. त्याचाच भाग म्हणून मंदिर समितीच्यावतीने श्री विठ्ठल रुक्मिणी गाभारा, श्री विठ्ठल सभामंडप, रुक्मिणी सभामंडप, नामदेव पायरी, दर्शन रांग आदींची कर्मचाऱ्यांकडून वेळोवेळी स्वच्छता करण्यात येत आहे. मंदिरात व नामदेव पायरी ते दर्शन रांगेत स्वच्छतेबरोबरच सॅनिटायझर फवारण्यात येत आहे. दर्शन रांगेत दोन भाविकांमध्ये सोशल डिस्टन्स राखला जाईल, याची खबरदारी घेण्यात येत आहे, त्याचबरोबर मंदिरात येणाऱ्या भाविकांकरीता सॅनिटायझरची सोय, थर्मल स्क्रिनिंगची सुविधा उपलब्ध करण्यात आली आहे. शासनाच्या निर्देशानुसार मंदिरात दर्शनाकरिता येणाऱ्या भाविक, भक्तांनी मास्क वापरणे सक्तीचे करण्यात आले आहे.

वाचा: राज्यातील धार्मिक स्थळे पाडव्यापासून खुली; CM ठाकरेंनी केली ‘ही’ महत्त्वाची सूचना

श्री विठ्ठल रुक्मिणी मंदिर समितीच्यावतीने नेहमीप्रमाणे सकाळी सहा वाजता पासून भाविकांना दर्शनाकरिता सोडण्यात येत आहे. ऑनलाइन नोंदणी केलेल्या पास धारकांनाच दर्शनासाठी सोडण्यात येत असल्याने भाविकांनी http://www.vitthalrukminimandir.org/home.html या संकेतस्थळावर नोंदणी करावी, असे आवाहनहीं मंदिर समितीचे कार्यकारी अधिकारी विठ्ठल जोशी यांनी केले आहे

भाविकांसाठी नियमावली…

– सकाळी ६ ते रात्री ९ या वेळेत २००० भाविकांना मुख दर्शन घेता येणार.
– प्रति तास २०० भाविकांना दर्शनाकरिता सोडणार
– दर्शनासाठी ऑनलाइन नोंदणी आवश्यक.
– भाविकांनी २४ तास अगोदर ऑनलाइन बुकींग करावे, बुकींग ८ दिवसापर्यंत करता येईल.
– मुख दर्शनाकरिता कासार घाट येथे पास तपासणी करून दर्शनाला सोडले जाणार
– करोनाची लक्षणे आढळणाऱ्यांना दर्शन प्रवेश दिला जाणार नाही.
– मंदिराच्या पूर्व गेट मधून भाविक दर्शनाला आत जातील तर व्हीआयपी गेटमधून बाहेर पडतील.
– दर्शन रांगेत फिजिकल डिस्टन्स (दोन भाविकात ६ फूट अंतर) ठेवण्यासाठी जागोजागी मार्किंग करण्यात आले आहे.
– अन्नक्षेत्र व प्रसाद व्यवस्था बंद राहील
– सध्या ६५ वर्षावरील नागरिक, १० वर्षाखालील बालक, गर्भवती महिला, आजारी व्यक्ती यांनी दर्शनास येणे टाळावे.

वाचा: मुंबई लोकलबाबत मोठी बातमी; राज्य सरकारची ‘ही’ मागणी झाली मान्य



Source link

You may also like

Leave a Reply

Your email address will not be published. Required fields are marked *

%d bloggers like this: